Në një intervistë për “Opinion”, kreu i Autoritetit të Dosjeve, Genta Sula tregoi sesi u vu në lëvizje Autoriteti i Dosjeve për rastin e kreut të Partisë së Lirisë, Ilir Meta. Sula tha se ka qenë një email ai që ka vënë në lëvizje Autoritetin
“Ka qenë një e-mail informal i dërguar jo vetëm tek, por edhe në adresa ambasadash, ndoshta dhe mediash. Dhe ky e – mail nuk ka dalë nga ne. Ky e -mail na tregonte lokacionin ku mund të gjendej dokumenti dhe emrin e dosjes ku mund të gjendej dokumenti” – tha Sula.
Sula gjithashtu pohoi se e-maili nuk kishte emër, por disa indicie dhe një IP. Ajo tha se dërguesit të e-mailit nuk i është kthyer përgjigje, por ndërkohë autoriteti kishte kërkuar në arkivat për ta verifikuar rastin.
“Informacioni ishte i rëndësishëm. Dy nga anëtarët shkuan në fond për të verifikuar rastin. Autoriteti prej 5 vetash ka autoritet të plotë në të gjitha arkivat e rrjetit, ka fuqi të bëjë verifikime. U konstatua prania e një dokumenti, u kostatua fakti që personi është i mbrojtur dhe për këtë arsye nga një person u kthye në fenomen”, tha Sula.
