Deputetët e Partisë Demokratike janë pyetur në lidhje me protestën e thirrur nga kryetari i Partisë së Lirisë, Ilir Meta para inceneratorit të Tiranës ditën e martë.
Ish-kreu i PD Lulzim Basha refuzoi të japë një përgjigje konkrete duke u larguar drejt parlamentit me një urim për një ditë të mbarë për gazetarët.
Nga ana tjetër, deputetja Dhurata Çupi u shpreh se merr pjesë në protestë vetëm kur e thërret partia e saj: “Vetëm kur më thërret PD marr pjesë në protestë”, u shpreh ajo.
Ndërkohë deputeti Gazment Bardhi tha se skena e vërtetë e krimit ku duhej protestuar është kryeministria ndërsa Inceneratorët sipas tij janë produkt i krimit.
“Mendoj që skenë e krimit është kryeministria aty ku është firmosur skema e inceneratorit. Inceneratorët janë produkt i krimit. Nëse ka një skenë krimi është kryeministria”, deklaroi ai.
