Kreu i Partisë së Lirisë, Ilir Meta ka folur sot nga Jala lidhur me hetimet që SPAK ka nisur ndaj tij. Ai ka deklaruar se do të përgjigjet me kënaqësi për pyetjet që do t’i bëhen. Meta shtoi se jo vetëm do të japë përgjigje për të gjitha pyetjet por dhe do ketë transparencë të plotë për opinionin publik.
“Është kënaqësia ime më e madhe nëse do të më kërkojë dikush t’i përgjigjem”, tha Meta.
Ish-presidenti paralajmëroi ndryshime rrënjësore në shtator, duke thënë se opozita është gati për të ekspozuar të gjitha aferat korruptive në të cilat është përfshirë kjo qeveri me në krye Ramën.
