Remzi Ponari është pronari i banesës dy katëshe në rrugën “Siri Kodra” ku u raportua se ka shpërthyer një sasi lënde plasëse. Kati i parë i cili ishte kthyer në biznes ku tregtoheshin xhama, është dëmtuar i gjithi, njoftoi policia në orët e para të mëngjesit.
Dyshohet se tritoli mund të jetë vendosur për motive që lidhen me aktivitetin e 60-vjeçarit. Ngjarja e rëndë ndodhi në orët e para të mëngjesit në rrugën ‘Siri Kodra’ në Tiranë.
Pritet të zbardhen detaje pas marrjes në pyetje të pronarit të shtëpisë. Policia ka nisur punën për të zbardhur të plotë ngjarjen dhe për të identifikuar autorët.
