Një sherr ka ndodhur në një lokal në Tiranë. Sipas njoftimit nga policia personi i identifikuar me iniciale S. M., së bashku me xhaxhain e tij, e identifikuar me iniciale H. M., në një lokal në Ndroq, janë konfliktuar me klientin P. T., i cili si pasojë e konfliktit është dëmtuar dhe ndodhet në spital, nën kujdesin e mjekëve, ndërsa pronari i lokalit P. R., ka dëmtuar vendngjarjen duke penguar zbulimin e së vërtetës, si dhe nuk ka kallëzuar krimin.
Në vijim të veprimeve, gjatë kontrollit që shërbimet e Policisë ushtruan në banesën e H. M., u gjetën dhe u sekuestruan një armë zjarri pushkë, 2 krehëra arme zjarri pistolete dhe sasi e konsiderueshme municioni luftarak.
I riu i identifikuar me iniciale S. M., pritet të përballet me akuzën për veprën penale “Plagosja e rëndë me dashje”; ndërsa xhaxhai i tij me iniciale H. M., për veprën penale “Mbajtja pa leje e armëve, armëve shpërthyese dhe i municioneve”.
Gjithashtu është proceduar penalisht në gjendje të lirë P. R., pronari i lokalit ku ndodhi konflikti, për veprat penale “Moskallëzimi i krimit” dhe “Veprime që pengojnë zbulimin e së vërtetës”.
