Partia e Lirisë, ka reaguar në lidhje me ngjarjen tragjike e ndodhur ditën e sotme në Elbasan, ku një 48-vjeçar i cili jetonte në varfëri u gjet i varur në banesën e tij. Sekretari i kësaj partie, Tedi Blushi, në një postim në facebok, shprehet se korrupsioni i Edi Ramës po i vret të varfrit dhe kjo e vërtetë e hidhur fatkeqësisht u dëshmua edhe sot. Ai gjithashtu shkruan se në 10 vite qeveria ka mbell dëshpërim, mjerim, papunësi, shpopullim, krim, shtypje dhe nënshtrim.
“Korrupsioni i Edi Ramës po i vret të varfërit! Kjo e vërtetë e hidhur fatkeqësisht u dëshmua edhe sot. Dhjetë vite në pushtet, Edi Rama: Në vend të shpresës, mbolli dëshpërimin; Në vend të mirëqenies, solli mjerimin; Në vend të punësimit, shtoi papunësinë; Në vend të zhvillimit, nxiti shpopullimin; Në vend të sigurisë, lartësoi krimin; Në vend të demokracisë, solli shtypjen dhe nënshtrimin. Edi Rama me një grusht oligarkësh grabitqarë vetëm vjedhin pa pushim me çdo mënyrë munden. Vjedhin me djegësat, me PPP, me koncesione, me tendera, me rrugë të florinjta, leje ndërtimi, me ligje speciale, me çmime të larta. Edi Rama po e kthen Shqipërinë në një kamp varfërie, ku 67% e popullsisë jeton sot me 5.5 dollarë në ditë dhe përballet me presionin e tmerrshëm të mbijetesës. Të mblidhemi bashkë jo për ta përballuar këtë mjerim, por për të shporrur shkaktarin e saj!” – shkruan Blushi në facebook.
Kujtojmë se ditën e sotme 48-vjeçari Fatos Çollaku është gjetur i varur në një pemë afër shtëpisë. Ai jetonte në kushte tepër të vështira ekonomike dhe prej disa muajsh familjes së tij i kishin ndërprerë dhe energjinë elektrike pasi nuk kishte paguar. 48-vjeçari jetonte bashkë me motrën, ndërsa si mbështetje kishte vetëm ndihmat e banorëve të fshatit.
