Në konferencën që po zhvillon me gazetarët në lidhje me aferën e inceneratorëve, Ilri Meta ka hedhur një sërë akuzash ndaj kryebashkiakët e Erion Veliaj. Ai thotë se përveç fondeve publike të bashkisë, Veliaj po merre edhe lekët nga xhepat e qytetarëve për të investuar te inceneratori që në të vërtetë nuk është funksional. Më tutje ai tha se Veliaj këto para i çon në Holandë, atje ku qeveria ka lënë peng edhe pasuri të tjera.
“Situata është tepër tragjike, në drejtim të shkatërrimit të shtetit ligjor dhe interesit publik, pasi kryetari i bashkisë Erion Veliaj ka angazhuar jo vetëm bashkinë por të gjithë qarkun duke shkelur ligjin dhe jashtë çdo kompetence në një borxh e detyrim të tillë, se këto s’janë paratë e bashkisë por të qytetarëve që jo vetëm nuk shkojnë për një investim por shkojnë te kompania mëmë që duhet ë sjellë lekët këtu për të investuar për inceneratorin që nuk ekziston e shumë më e rëndë që këto kompani kanë vendosur peng pronat publike në banka.
E qartë si i gjithë shteti, është vënë në dispozicion të aferës së shekullit të aferës së dëgjesave, nëse sot treguam në vend të vijnë lekët nga Hollanda shkojnë lekët e qytetarëve të Shqipërisë në Holandë por dhe në vende të tjera se do keni para jush e shumë fakte të tjera të rënda”, tha ai.
Ndërsa bëhet me dije ekipi këtu, së bashku me ish kryetaren e LSI dhe deputeten Monika Kryemadhi bashkë me koordinatoren Briseida Shehaj do të paraqesë të gjithë këto veprime, akte bazuar në dokumente pranë SPAK dhe institucioneve të drejtësisë.
