Pas tensioneve të shumta në Mitrovicë, që ngritën panikun në të gjithë Rajonin Vuçiç dhe Kurti kanë rënë dakord që të takohen në Bruksel. Mediat fqinje bëjnë me dije se, Kosova dhe Serbia pritet të rifillojnë bisedimet në fund të gushtit. Kryeministri Kurti dhe Presidenti Vuҫiç, janë ftuar në Bruksel nga shefi i diplomacisë evropiane Borrel. Shefi i politikës së Jashtme dhe të Sigurisë i Bashkimit Evropian, Josep Borrel, ka ftuar kryeministrin e Kosovës Albin Kurti dhe presidentin e Serbisë, Aleksandër Vuçiç për një takim të radhës në Bruksel, për të diskutuar në kuadër të dialogut Kosovë-Serbi.
Këto bisedime lehtësohen nga Bashkimi Evropian dhe takimi i radhës që pritet të realizohet në fund të gushit, ka për qëllim që të shmangë vazhdimin e tensioneve Zyra e Josep Borrel, nuk ka dhënë datë të saktë të takimit, por, zyrtarë të qeverisë së Kosovës, thanë se një takim i radhës, pritet të bëhet në javën e tretë të këtij muaji.
Kryeministri Albin Kurti, tha se ai kurdo që merr ftesë nga zoti Borrell, është i gatshëm të shkojë në Bruksel. Edhe presidenti i Serbisë, Aleksandër Vuçiç, tha se do të shkojë në Bruksel për takim, por “nuk pret asgjë nga bisedimet me kryeministrin Albin Kurti”.
