I gjithë vendi është tronditur sot nga ngjarja e rëndë që ndodhi në Himarë, por sigurisht dhimbjen më të madhe po e kalojnë familjarët e vogëlushes që humbi jetën. Fotot që shihni tregojnë momentin e përplasjes së babait që humbi 7-vjeçaren në mënyrë tragjike dhe të drejtuesit të gomones Arjan Tase që goditi vajzën e vogël.
Më pas në një tjetër foto duket edhe momenti dramatik kur babai i vajzës së ndjerë ka rënë në tokë me dy duar në kokë, i tronditur nga humbja e vajzës. Kujtojmë se dëshmitarët janë shprehur se drejtuesi i gomones, ka qëndruar indiferent, por edhe i është kthyer ashpër prindërve të vajzës që humbi jetën, madje i ka kërcënuar ata.
Kujtojmë se, ngjarja e rëndë ndodhi në plazhin e Potamit në Himarë. Ishte ish-shefi i komisariatit të Himarës, Tase, që po kryente manovra të rrezikshme dhe me shpejtësi në breg të detit, duke shkaktuar këtë tragjedi që tronditi mbarë opinionin publik.
