PSG është shpallur kampione e Superkupës së Francës, duke mundur Nantes me rezultatin 4-0. Finalja është luajtur në Tel Aviv. Ndeshja nuk ka pasur nevojë të diskutohet në asnjë moment pasi PSG ka komanduar totalisht finalen. Goli i parë erdhi nga Lionel Messi në minutën e 22-të duke shënuar një gol të bukur pas driblimit të portierit kundërshtar.
Goli i dytë ishte një perlë e realizuar nga Neymar në minutën e 5-të të shtesës së pjesës parë, ku braziliani shëoni me anë të një goditje dënimi.
Pjesa e dytë ka filluar në favor të PSG-së përsëri, ku në minutën e 57-të Sergio Ramos shënon një gol fantastik me takë.
Parisienët nuk u mjaftuan me kaq pasi në minutën e 81-të Neymar shënon golin e katër nga pika e bardhë e penalltisë. Castelleto u ndëshkua me kartonin e kuq për penalltinë e shkaktuar.
Galtier kështu ka ngritur trofeun e tij të parë si trajneri i PSG-së.
