Partia Demokratike ka denoncuar sërish ditën e sotme atë që ajo e quan dhe afera e mafias së inceneratorëve. Në një deklaratë për mediat Sekretarja e Marrëdhënieve me Publikun, Jola Hysaj shprehet se këto kompani nuk djegin kurrë dhe asgjë veç parave publike dhe marrin 6.1 milion euro nga qeveria.
“Integreted Energy, kompania e inceneratorëve që nuk djegin kurrë dhe asgjë veç parave publike, do të marrë edhe 6.1 milion euro nga qeveria. Quajeni bonus për rrjepjen e qytetarëve. Edhe pse mbetjet nuk digjen, por mbulohen, sepse ende nuk ka një impiant; paratë nga buxheti i shtetit, dmth nga xhepat tuaj, vazhdojnë të rrjedhin”, tha Hysaj.
DEKLARATA E PLOTË:
Integreted Energy, kompania e inceneratorëve që nuk djegin kurrë dhe asgjë veç parave publike, do të marrë edhe 6.1 milion euro nga qeveria. Quajeni bonus për rrjepjen e qytetarëve. Edhe pse mbetjet nuk digjen, por mbulohen, sepse ende nuk ka një impiant; paratë nga buxheti i shtetit, dmth nga xhepat tuaj, vazhdojnë të rrjedhin.
Edhe pse pronarët e Integreted janë në arrati, pas publikimit të skandalit të shekullit, qeveria bën sikur nuk ka ndodhur asgjë.
-Mafia e plehrave ka imunitet politik;
-Shkarkimi i Arben Ahmetajt nuk ndryshon gjë në jetën e aferës, sepse vjedhja shkon më lart se tigri prej letre;
-Qeveria nuk ndalet, sepse e sheh se të vetmit që ‘e hanë’ janë peshqit e vegjël, dhe të mëdhenjtë
-Qeveria vazhdon sikur nuk ka ndodhur asgjë, sepse nuk ka trysni, as nga drejtësia dhe as nga arbitrazhi i huaj;
Partia Demokratike i bën thirrje SPAK që ta vrasë frikën.
Çdo stepje, çdo mbyllje sysh para shumave të tilla, që lëvrohen por nuk kthehen në punë apo investime publike, i bën ata bashkëfajtorë. Hemorragjia financiare dhe turpërimi publik, mbyllen vetëm me nisma të guximshme. Opozita e bashkuar në Frontin e Shpëtimit Kombëtar do të përkrahë çdo prokuror që mbron interesin publik dhe kombëtar. Një qeveri që vjedh popullin e vet, nuk përfaqëson më shumicën, por një klikë.
Zakoni i klikave është që pasi mbysin zërat kundër, u kthehen bashkëpunëtorëve.
