Policia e Kosovës në Ferizaj ka njoftuar ditën e sotme se ka arritur të arrestoj personin e dyshuar, i cili dyshohet se në datën 14.07.2022 në një rrugë të këtij qyteti kishte ngacmuar seksualisht një të mitur të moshës 13 vjeçare dhe kishte ikur në drejtim të panjohur.
Sipas njoftimit bëhet me dije se policia menjëherë i kishte marr veprimet e nevojshme, ka dalë në vendin e ngjarjes dhe në rast janë kyçur Sektori Rajonal i Hetimeve, të cilët nën autorizim të Prokurorit për të mitur nga Prokuroria Themelore në Ferizaj kanë nisur hetimet në kërkim të personit të dyshuar.
“Pas një pune intenzive hetimore, grumbullimit të informacioneve në terren, shikimit të kamerave të sigurisë, kanë arritur të identifikojnë dhe të arrestojnë sot me datë 20.07.2022 në ora 11:00 personin e dyshuar me inicialet T.D (M/K) i moshës 30 vjeçar, nën dyshimin se ka kryer veprën penale ” Sulm seksual”
Nga ana tjetër, mësohet se policia të dyshuarin e ka shoqëruar në stacionin policor në Ferizaj dhe pas intervistimit nga hetuesit rajonal ,në prani edhe të avokatit mbrojtës, me vendim të Prokurorit të rastit, i njëjti është dërguar në mbajtje për 48 orë, për procedura të mëtejme, ndërsa rasti është cilësuar ” Sulm seksual”.
