Një grup turistësh serb që mbetën të bllokuar në Valbonë janë nxjerr që atje me ndihmën e një helikopteri.
Këtë gjë e ka bërë të ditur Shërbimi i Kërkim-Shpëtimit Malor të Kosovës me anë të një postimi në Facebook, ku dhe ka publikuar pamjet nga vendngjarja.
Ndërkohë është bërë i mundur edhe tërheqja e trupit të pajetë të turistit serb G.S, i cili ndërroi jetë si pasojë e një ataku kardiak.
“Një ekip i Shërbimit të Kërkim-Shpëtimit Malor të Kosovës, me mbështetjen ajrore të Emergjencave të Shqipërisë ka filluar operacionin e tërheqjes së trupit të pajetë të bjeshkatarit nga Serbia dhe personave të tjerë që ishin afër viktimës. Sipas informatave të para bëhet e ditur se i ndjeri ka pësuar arrest kardiak dhe ekipet tona bëjnë bartjen e trupit deri në hapësirën ku mund të ateroj helikopteri”, shkruhet në njoftim.
