As protesta e ish-kryeministrit Sali Berisha nuk e ka ndalur rritjen e çmimit të naftës. Bordi i Transparencës ditën e sotme ndryshoi sërish çmimet e shitjes së karburanteve në vend. Nafta ka pësuar rritje. Nga çmimi i vendosur në 7 korrik, ku do shitej jo më shumë se 235 lekë/litri, sot vendoset të shitet me 240 lekë/litri. Benzina do të shitet me 233 lekë/litri, ndërsa gazi 221 lekë/litër.
NJOFTIMI
Çmimi i shitjes me pakicë i nënproduktit gazoil i standardit SSH EN 590 të jetë jo më shumë se 240 lekë/litri, ndërsa i shitjes me shumicë jo më shumë se 228 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 233 lekë/litri, ndërsa i shitjes me shumicë jo më shumë se 221 lekë/litër.
Çmimi i shitjes me pakicë i nënproduktit gaz, të jetë 81 lekë/litër edhe i shitjes me shumicë 69 lekë /litër.
Çmimet e caktuara nga Bordi do të hynë në fuqi sot datë 8 Korrik ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtej vendimi.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
