Kryetarja e LSI, Monika Kryemadhi, ka dalë sot në një deklaratë për mediat lidhur me deklaratën e ministres së Financave për evazionin fiskal. Kjo e fundit, pranoi ditën e djeshme se 500 kompani në vend janë evidentuar në mashtrim me detyrimet fiskale, duke vënë në dukje se niveli i evazionit është i lartë. Sipas Kryemadhit, qeveria duhet të hetojë në të njëjtën mirë kompanitë që merren me Inceneratorët, pasi nuk posedojnë asnjë faturë. Sakaq, ajo tha se qeveria ka frikë nga transpar3enca dhe për këtë Ibrahimaj duhet të dalë dhe të japë llogari.
“Ministrja pranoi dje se qenkan 500 kompani të tjera. Kam pyetje, a ka audituar ndonjëherë ministria e financave inceneratorin e Elbasanit, Fierit dhe Tiranës. A ka shkuar deri në fund të hetimit tatimor, ku është lëshimi i faturave. Meqenëse inceneratori na doli në deklaratë dhe avokati Veliaj, kam pyetje: Pse keni frikë nga transparenca. Ajo që shikojmë ne ka vetëm mbjellje, ka disa rrugë të ngushta. Pse kanë frikë të tregohen transparent. Nëse ky koncesion do të ishte i ndershëm, Rama dhe Inceneratorët nuk do kishin problem që të bënin transparent investimin.”, u shpreh ajo. Kujtojmë se një lumë kritikash janë hedhur dje pas deklaratës së Ibrahimajt, ndërsa apozita vazhdon të këmbëngulë në hetimet për Inceneratorët.
