Shqiptarja Majlinda Kelmendi ka shkruar historinë duke marrë Medaljen e Artë në Lojërat Olimpike Rio 2016 në xhudo për kategorinë deri në 52 kilogramë. Për Shqipërinë dhe Kosovën kjo është një medalje historike, si e para olimpike.
Flamuri i Kosovës është ngritur në Rio 2016 më lart se flamujt e tjerë dhe kjo falë Majlinda Kelmendit, e cila arriti të fitonte në sportin e xhudos.
Sportisja shqiptare nuk mundi t’i mbajë lotët gjatë ekzekutimit të himnit, teksa merrte Medaljen e Artë plotësisht të merituar.
Xhudistja shqiptare mundi në finale italianen Odette Giuffrida. Majlinda për të arritur deri në finale mundi Evelyne Tschopp, Christianne Legentil dhe japonezen, Misato Nakamura.
