Kryeministri Edi Rama është nisur pasditen e sotme në një udhëtim drejt Francës. Në fotot e siguruara nga mediat Rama shihet me të birin Zaho në një avion linje duke udhëtuar drejt Parisit. Mësohet se kreu i qeverisë do të zhvillojë një vizitë private në shtetin francez. Kjo do të thotë se Rama e ka seriozisht deklaratën e sotme, ku tha që do ta bojkotoj samitin e BE-së në Bruksel që do të mbahet në datën 23 dhe 24 qershor. Arsyeja sipas tij, është “Jo” e radhës që do marrë Shqipëria për negociatat.
Ajo që bie në sy është ‘relaksimi’ nga në krahasim me vizitat e tjera me protokoll shtetëror ku kreu i qeverisë udhëton me Air Albania. Sot ai ka zgjedhur të udhëtojë me ‘economy class’ drejt Francës duke ndarë fluturimin me shumë pasagjerë të tjerë. Gjatë muajve të fundit, kryeministri Rama është vënë shpesh në qendër të kritikave nga ana e opozitës për udhëtimet zyrtare me Air Albania, për shkak të kostove të larta financiare dhe komiditetin, në kontrast me situatën ekonomike në vendin dhe standardin e jetës së qytetarëve.
