Pasditen e djeshme, karabinierët e Tenenza di Scicli në Itali, gjatë një shërbimi kontrolli territorial, që synonte të luftonte fenomenin e armëmbajtjes pa leje, arrestuan një shtetas shqiptar 20-vjeçar me akuzën e posedimit pa leje të armëve.
Sipas mediave vendase, 20-vjeçari është identifikuar si Genci Lecini, i lindur në 1995, ku gjatë shërbimit kanë kontrolluar shtëpinë e tij, i cili ka marrë menjëherë një qëndrim të dyshimtë. Në të vërtetë, gjatë operacionit të kontrollit, ushtarët e Armatës gjetën një pistoletë revole, pa regjistrim dhe markë, e fshehur në një sirtar të komodinës në dhomën e tij të gjumit.
Karabinierët konfiskuan menjëherë armën dhe e çuan të riun në kazermë për formalitetet e mëpasshme. Pas formaliteteve, 20-vjeçari u shpall i arrestuar dhe me kërkesë të zv/prokurores kujdestare Valentina Botti dhe u dërgua në Burgun e Raguzës.
Ndërkohë, karabinierët kanë nisur tashmë hetimet për të gjetur origjinën e armës së sekuestruar, për të kuptuar se për çfarë mund ta ketë përdorur Lecini dhe për të verifikuar nëse ajo është përdorur tashmë në kryerjen e ndonjë krimi.
