Ndërkombëtarët kërkojnë votimin urgjent të 7 ligjeve prioritare të Reformës . Kuvendi nuk mbyllet. Deputetët njoftohen të mos largohen me pushime para të shtunës. Kushtetuta e re mbërrin tek Presidenti. Presidenti me pushime akoma.
Meta e Basha aktualisht janë në SHBA dhe duke qënë se duhet konsensus dhe për këto ligje, atëherë shihet një vonesë në miratimin e tyre, pavarësisht se ndërkombëtarët e kërkojnë urgjent një gjë të tillë. Pasi për ta nuk ka kthim prapa, e tha dhe ambasadorja e BE Vlahutin në Kukës.
Por në fjalën e tij në Kuvend, sekretari i Përgjithshëm i PD Arben Ristani nuk ka munguar që të shprehet se pavarësisht se ka kaluar me konsensus të plotë reforma në drejtësi me gjithë ndryshimet Kushtetuese, mazhoranca ka nevojë sërish për konsensusin e opozitës dhe për 7 ligjet mbështetëse të kësaj reforme.
Një paralajmërim i qartë i opozitës se sërish nuk do ta ketë të lehtë procesin e implementimit tëe reformës në drejtësi, ku do kërkojë sërish “dorën” e opozitës. Ristani ka qënë i qartë në vendosmërinë e tij nbë Kuvend teksa e ka deklaruar paralajmërimin se shtatë ligjet kanë punë për t’u miratuar, duke u kujtuar shqiptarëve se do fillojhë sërish kalvari i debateve për 7 ligjet e “drejtësisë”.
Ndërkohë që ndërkombëtarët, autorë të fortë të ndryshimeve në Kushtetutë, kërkojnë tani miratimin e shtatë ligjeve prioritare që shoqërojnë ndryshimet në Kushtetutë.
Burime diplomatike i thane sot Skandal.al se, ndërkombëtarët i kanë kërkuar udheheqësve politikë të mos mbyllin Kuvendin para fundit të këtij muaji. Ata kërkojnë miratimin e shtatë ligjeve prioritare. Në fakt, zëvendëskryetarja e Kuvendit që drejtoi seancën, Valentina Leskaj, nuk njoftoi në fund të seancës, mbylljen e sesionit të verës të punimeve të Kuvendit.
Ndërkohë deputetë të ndryshëm të maxhoracës thanë se janë porositur të mos lëvizin për pushime para të shtunës së kësaj jave.
Ka mundesi të mblidhen sërish të enjten për shtatë ligjet, por pritet çdo të thotë PD thanë deputetë të maxhorancës. Ne fakt, të premten në mëngjes herët, pak pas votimit e para mbylljes së seancës të së enjtes, kryesocialisti Ruçi i kërkoi kryeparlamentarit Meta, një mbledhje të posaçme të Konferencës së Kryetarëve gjatë ditës në vijim.
Ruçi e kërkoi mbledhjen për të diskutuar mes palëve për vijimin e mëtejshem të procedurave parlamentare për të miratuar shtatë ligjet prioritare. Ai tha se kërkonte që miratimi i shtatë ligjeve të vijonte në të njëjtën frymë e në të njëjtën mënyrë.
Mbledhja nuk u zhvillua, ndërkohë që kryeparlamentari Meta është në SHBA. Në SHBA është dhe kreu i PD Lulzim Basha, që ka në dorë konsensusin e gjërë të grupit të PD. Por dhe presidenti është me pushime, njeriu që do të dekretojë Kushtetutën e Re të Shqipërisë.
Burime nga institucioni i Presidentit, i thanë se vetëm të hënën në mëngjes kishte mbërritur atje, drafti i zbardhur zyrtarisht i Kushtetutës së re nga Kuvendi. Tani do të duhet që Presidenti të dekretojë ndryshimet .
Do të duhet një dakordësi e re, që menjeherë pas dekretimit Kuvendi të mos presë botimin në Fletoren Zyrtare dhe hyrjen në fuqi, për të vijuar me shtatë ligjet që janë të lidhura me Kushtetutën. Por mbi të gjitha do të duhen votat. Për konsensus.
