Presidenti i Serbisë Aleksandar Vuçiq, ka dalë me një njoftim të shkurtër publik në Facebook, pas takimit me kancelarin e Gjermanisë, Olaf Scholz. Edhe pse takimi u zhvillua për dialogun me Kosovën, Vuçiç nuk e ka përmendur një gjë të till duke thënë se me Scholz ka biseduar lidhur me marrëdhëniet bilaterale, bashkëpunimin ekonomik, situatën në rajon si dhe krizën në Ukrainë.
“Fola me kancelarin e Republikës Federale të Gjermanisë, Olaf Scholz, rreth marrëdhënieve bilaterale, bashkëpunimit ekonomik, situatës në rajon, gjithashtu dhe për krizën në Ukrainë” – ka shkruar Vuçiq.
Reagimi i Vuçiç shton dyshimet se në takim nuk ka dalë i kënaqur, pasi edhe nuk ka dalë as në konferencë për mediat me Scholz.
Një takim me kancelarin gjerman, sot e ka zhvilluar edhe kryeministri i Kosovës, Albin Kurti, me të cilën kanë mbajtur edhe një konferencë të përbashkët në Berlin. Scholz dhe Kurti kanë shprehur qëndrimet e tyre kryesisht për marrëdhënien e Kosovës me Serbinë dhe nevojën e një marrëveshjeje përfundimtare për t’i mbyllur çështjet e hapura që dy shtetet kanë ndërmjet vete
