Si rrallë herë, duket se socialistët nuk po e dëgjojnë urdhrin më të fundit të shefit të tyre. Disa javë më parë, në mbledhjen e grupit parlamentar të Partisë Socialiste, kryeministri Edi Rama dha një urdhër për deputetët e tij. Teksa ishin mbledhur për të diskutuar për emrin e presidentit të ri, Rama u dha një urdhër të prerë deputetëve që të mos iknin nga seanca plenare pa votuar dhe pa kryer të gjithë detyrën e tyre si të zgjedhur të popullit, të paktën një herë në javë.
Por, sikur duket ata e paska harruar këtë urdhër, ose nga lodhja nuk kanë rezistuar dot të qëndrojnë gjatë në Parlament. Pasi në seancën e sotme plenare, siç duket edhe nga fotoja e mësipërme, salla është thuajse bosh, me vetëm 5 deputetë nga opozita, e më as 15 nga maxhoranca, këtu duke përfshirë edhe ministrat e kabinetit.
Rama duket se flet e u jep urdhra por deputetët po tregohen të pabindur . Edhe pse nuk është vetë në sallë, duket se socialistët ndjekin shembullin e liderit të tyre. Por kjo mund t’u kushtojë rrogën, të paktën kështu paralajmëroi kryeministri.
