Kristi Aliaj, djali i Robert Aliajt i cili para disa kohësh është bërë pjesë e emisionit të dashurisë “Love Story” për të gjetur dashurinë në ekran. Por, ai i dha fund rrugëtimit të tij në program pak kohë pasi u bë pjesë.
I ftuar në emisionin “E Diell”, ish-konkurrenti ka zbuluar se kush është një nga vajzat më seksi të showbizit shqiptar sipas tij madje ai e ka ftuar edhe në një takim.
Gjithashtu, teksa po zhvillonte një lojë në një nga rubrikat e emisionit, atij iu kërkua të ftonte në takim një nga vajzat më seksi të showbizit sipas tij.
Kristi Aliaj ka përmendur emrin e modeles Oriola Marashi, të cilës i shkruajti edhe një mesazh në rrjetin social Instagram.
“Përshëndetje Ori, më je dukur gjithmonë vajzë shumë e bukur, shumë cute. Hajde pimë një kafe.”-thuhej në mesazhin që ai i dërgoi. Edhe pse gjithçka ishte në kuadër të lojës, Kristi nuk e fshiu mesazhin, duke pritur kështu një përgjigje.
Kujtojmë se, pak javë më parë Kristi është larguar nga “Love Story”, dhe gjithashtu ka treguar më pas arsyen pse u largua nga ky program, duke thënë se në atë emision shumë personazhe ishin të shtirur e situatat ishin të stisura dhe se preferon gjërat e vërteta.
“Debate koti dhe debate fallco. Personazhet ishin shumë të shtirur dhe fallco”.
Gjithashtu Kristi ka thënë se i pëlqen bota e televizonit dhe po përgatit një projekt ku mendon se mund të jetë producent për të bërë një reality.
