Ish-Kryeministri, Sali Berisha tregoi se avokati francez në çështjen që ka hapur në Francë kundër Sekretarit të Shtetit, Antony Blinken, i ka kushtuar 7200 euro. Në intervistën për emisionin “Të Paekspozuarit”, ai tha se gjithçka është e pasqyruar me faturë. Berisha gjithashtu tha se nuk e ka bërë padinë në SHBA pasi e para ishte shumë e kushtetueshme dhe së dyti që ata kanë një tjetër sistem nga ky Evropian.
“Nuk e ndjek vetë çështjen, është avokati që ka çuar një padi dhe jemi në pritje. Dy janë disavantazhet: e para që as unë dhe as i padituri nuk jemi shtetas francez dhe së dyti se Blinken ka imunitet. Megjithatë unë luftoj për dinjitet njerëzor. Nuk e kam bërë padinë në SHBA pasi e para ishte shumë e kushtetueshme dhe së dyti që ata kanë një tjetër sistem nga ky Evropian” – tha Berisha.
