Ministri i Jashtëm austriak ka bërë një paralajmërim të fortë sot për BE dhe në këtë kuadër i ka kërkuar hapjen sa më parë negociatave për Shqipërinë. Alexander Schallenberg, gjatë një konference donatorësh të organizuar në Berlin për të ndihmuar Moldavinë për pritjen e refugjatëve ukrainas, deklaroi se Rusia nuk i hedh sytë vetëm nga Ukraina, por edhe nga Kaukazi jugor, nga Ballkani Perëndimor, dhe nga Republika e Moldavisë. “Unë pres që kjo të bëhet ende nën presidencën franceze”, tha Schallenberg, ndërsa presidenca franceze mbaron mandatin në qershor.
Po ashtu ministri i Jashtëm austriak, Schallenberg ka kërkuar që të liberalizohen vizat sa më shpejt me Kosovën, pasi në të kundërt i gjithë Ballkani rrezikohet nga Moska dhe pasojat do jenë shumë të rënda. “Kosova edhe Bosnje-Hercegovina duhet të marrin po ashtu një perspektivë anëtarësimi. Bëhet fjalë nëse këto gjashtë vende të Ballkanit Perëndimor do të mbeten në rrugën europiane të demokracisë e lirisë apo jo”, tha Schallenberg duke kujtuar influencën e Rusisë, Kinës dhe vendeve të tjera në rajon. Ndërsa thekson se, pa anëtarësimin në BE, vendet europianolindore sot ndoshta do të ishin në një gjendje tjetër edhe më të vështirë.
