Ish-kryetari i Partisë Demokratike, Lulzim Basha ka vijuar takimet me qytetarë, ndërsa ditën e sotme ishte në Shkodër. Në fjalën e tij para demokratëve shkodranë, Basha është shprehur se ka hequr dorë nga drejtimi i PD-së për shkak të situatave të krijuara dhe se do të punojë për bashkimin e PD-së. Ai ka komentuar vendimin e Gjykatës që njohu statutin e Kuvendit të Berishës, i cili e ka quajtur të turpshëm.
“Hoqa dorë nga procesi për shkak te situatave te krijuara. Ju shpreh mirënjohje për gjithçka keni bere. Qëndruat fort përballe një gare aspak te zakontë. Nuk do lë asgjë pa bërë që kontributi juaj të shpërblehet. Koha dhe e drejta janë ne krahun tonë. Jeni njohur me vendimin e turpshëm që mori gjykata pak ditë më parë. Ai është apeluar nga PD. Gjithçka që po ndodh është pushtim i paligjshëm. Ti shërbejmë uljes se gjakrave” – tha Basha.
