Pothuajse çdo tender që hap kreu i Bashkisë Tiranë klasifikohet në projektet me “Flamur të kuq”, pasi janë plotë shkelje dhe më hapësira për abuzime. Duke qenë se kishte kohë pa bërë nga këto afera, Veliaj ka menduar që këtë herë “të hap qesen” me plane për të shtruar rrugë në Tiranë. Por, faktet tregojnë se ai përpiqet të shtrojë vetëm rrugën me para për veten dhe miqtë e tij. Në tenderin, që “Open Procurement.al” e cilëson si abuziv dhe që cenon konkurrencën, Veliaj ka vendosur të shpenzojë plotë 106. 575. 000,00 lekë. Sipas të dhënave të publikuara, ky tender ka si objekt blerjen e bitumit, material i cili përdoret për shtrimin dhe riparimin e rrugëve. Institucioni Prokurues është Drejtoria e Përgjithshme e Rrugëve dhe Ndriçimit Publik Tirane, po sigurisht që autoriteti i cili ka vënë vulën e fundit për këtë tender dhe pse në shkelje të ligjit, është Bashkia Tiranë.
Shkelja e parë që ka bërë Bashkia është se, ka lënë në garë vetëm një nga kompanitë ofertues “Resuli shpk”, ndërsa kompania tjetër “TRIOS SHA” është skualifikuar nga gara me justifikimin se nuk ka paraqitur një vërtetim nëse tregton mallin që kërkon ky tender. Në këto kushte, autoriteti prokurues duhet të pezullonte procedurat dhe të hapte një tjetër garë. Por, jo Veliaj ka shpallur fituesin pa u zhvilluar një garë të mirëfilltë. Ndërkohë, ajo që bie në sy është se fituesi ka paraqitur të njëjtën ofertë sa vlera që mban fondi limit, konkretisht 106. 575 000,00. Detaj i cili shkel një nga pikat kryesore të ligjit për prokurimet.
Pra sikur duket, edhe këtë herë Veliaj nuk është se po vret mendjen për të shtruar rrugët në Tiranë, që janë tejet të amortizuara, por mendon se si të pastrojë e vjedhë sa më shumë para. Sigurisht, që këto para që sipas dokumentit shkojnë për operatorin fitues, ndahen me Veliajn, duke qenë se ky i fundit i favorizon dhe iu jep tender sikur po shet fiq.
