Një 21-vjeçar shqiptar ka rënë në prangat e policisë italiane për trafik të lëndëve narkotike.
Sipas mediave vendase, policia italiane kishte marrë disa raportime për lëvizje të dyshimta në një apartament në Borgo Coccon. Menjëherë pas informacioneve, policia italiane ushtroi kontrolle në banesë ku ka gjetur 182 gram lëndë narkotike si dhe dy peshore.
I riu pasi kishte parë që policia i trokiti në derë kishte tentuar të fshihte lëndën narkotike në dritare. Policët që ruanin banesën nga jashtë, e raportuan menjëherë te kolegët.
Ai kishte fshehur katër mbështjellës celofani të mbushura me kokainë në formë të ngurtë, me peshë gjithsej 182 gram, si dhe dy peshore dixhitale precize të përdorura për peshimin e dozave, të dyja të ndotura me kokainë në raftet e tyre përkatëse.
21-vjeçari, i cili rezultonte pa precedent penal, u arrestua në flagrancë dhe nga ana e prokurorisë u kërkua një dënim me 3 vjet burg.
