Aktori Florjan Binaj është një nga organizatorët e protestës dhe për 7 ditë me radhë ai del në shesh për të kundërshtuar rritjen e çmimeve. Por në një lidhje live, Edi Rama hodhi baltë mbi të dhe protestuesit duke thënë se janë të drejtuar nga rusët. Sot, aktori i ka dhënë një përgjigje kryeministrit, duke i thënë se shqiptarët nuk i blen askush.
Ndërsa thumboi kryeministrin, duke thënë se vetë ai e ka kthyer qeverinë si një vodka ruse. “E ka bërë qeverinë si vodka, absolute, vetëm ai. E zëmë se kemi marrë lekë nga Rusia për këto protesta, pora to që kanë ikur jashtë shtetit kush i ka sponsorizuar? Rusia? Edhe Putini ka opozitë, e le e nuk e pyet. Por ky i joni as e lë e as e pyet. Ftoj të gjithë kolegët e mi që të vijnë këtu te protesta. Kjo është betejë për të vërtetën. Po ushqehemi për gënjeshtër. E vërteta do të sjellë drejtësi. Ju bëj thirrje të gjithëve të marshojmë ditën e shtunë paqësisht, e të tregojmë që ne nuk na blenë askush”, u shpreh ai.
Aktori ka qenë një nga ata që ka kërkuar protestë që në tetor të vitit të shkuar, kur u rrit çmim i bukës dhe qeveria paralajmëroi rritje për faturat e energjisë elektrike.
