Gazetarja Fatjona Mejdini ka bërë sot një denoncim shumë të fortë për në aeroportin e Rinasit, ku po vihen në rrezik jetët e pasagjerëve. Përmes një postimi në Facebook, shoqëruar me disa foto ajo tregon se në sportelin ku kontrollohen pasaportat e pasagjerëve, dikush saldonte larte mbi kokat e tyre, ndërkohë që aeroporti ishte i tej mbushur. Në foto tregohet qartë që një person punon dhe saldon sipër, duke vënë në rrezik jetën e pasagjerëve, pasi copëzat që lëshohen nga saldimi binin mbi qytetarët.
“Dje se bashku me një kolege u kthyem në mesnatë ne Rinas nga një udhëtim. Aeroporti ishte i tejmbushur me njerëz që ktheheshin nga Italia, Austria, Anglia etj. Por teksa u drejtuam tek kontrolli i pasaportave mbi kokat tona dikush saldonte, pa veshjet e duhura të punës dhe pa xham mbrojtjes, në sytë e habitur dhe të përgjumur të udhëtareve. Por më shqetësues ishte fakti se copëzat e hekurit që lëshoheshin, gati po përhapeshin pa asnjë kujdes mbi kokat e udhëtareve”, shkruan ajo. Ndërsa tregon se në orarin e pikut të lëvizjeve në mes të “sheshit” ishin kudo materiale ndërtimi që pengonin qytetarët dhe të “vrisnin syrin”
