Qytetarët e Laçit janë çuar në protestë edhe ditën e sotme, ku kanë bllokuar autostradën për disa minuta për të shprehur pakënaqësitë e tyre ndaj rritjes së çmimeve të karburanteve si dhe të shportës ushqimore. Sipas fotos, shihet se qytetarët kanë kërkuar uljen e çmimit të naftës si dhe të ushqimeve.
Kujtojmë se ditën e sotme u mbajt protesta kombëtare kundër rritjes së çmimeve. Protesta ishte paqësore dhe kishte një pjesëmarrje masive qytetare. Protestuesit qëndruan për disa orë para kryeministrisë dhe më pas janë zhvendosur drejt Drejtorisë së Policisë së Tiranës ku kanë bërë thirrje që të lirohen protestuesit që janë arrestuar në protestat e ditëve të mëparshme.
