Arrestimi i pesë personave dhe shoqërimi i 16-të tjerëve gjatë protestës së mbrëmjes së kaluar ka bërë që banorët e Bulqizës të jenë frikësuar për protestat, ndërkohë që protesta ka nisur këtë të shtunë në Klos të Matit.
Burimet për gijotina.com bënë me dije se një pjesë e banorëve kanë dalë të protestojnë në aksin nacional Klos-Tiranë në segmentin e rrugës së Arbërit.
Pamjet tregojnë një numër të madh forcash policore, ndërkohë protestuesit janë shpërndarë.
Kujtojmë se, sot është dita e katërt e protestës së qytetarëve në Tiranë dhe në qytete të tjera për rritjen e çmimit të hidrokarbureve dhe shportës ushqimore që është vënë re periudhën e fundit në vend.
