Protestuesit janë mbledhur tashmë para Kryeministrisë, ndërsa shprehen se kërkojnë të drejtat e tyre, por nuk është ushtruar asnjë ditë dhunë ndaj policëve. Qytetarët po japin mesazhe të fuqishme përpara zyrës së Kryeministrit Edi Rama me megafon në këto momente, duke theksuar se policia i ka dhunuar ata dhe ka arrestuar mbi 140 të rinj.
“Në katër ditë proteste, asnjë polic nuk është prekur me dorë, asnjë xham nuk është thyer, asnjë qytetar nuk është cenuar nga protestuar, por 140 të rinj janë shoqëruar. Ky kryeministër që i vë hekurat, dyerve, duhet ta dijë se luftën nuk e kemi me karrigen, as me atë kërpudhën aty, por për dinjitetin tonë, për shtëpinë tonë”, deklarojnë ata.
Më tej një aktivist ka vënë në dukje vënë në dukje se çfarë abuzimesh po bëhen me qytetarët. “Rama ju thotë se qeveria po paguan çmimin e energjisë për qytetarët, por jo, e paguani ju, dhe ajo ai. Të ushtrojmë presionin maksimal. Të tregojmë qytetarinë tonë, të luftojmë për dinjitetin tonë. Sot do të t’ia lëmë fjalën, përfaqësuesve të komuniteteve dhe qyteteve që kanë ardhur në këtë protestë”, tha ai, ndërsa theksoi se protesta do të jetë paqësore.
