Ish-kryeministri Sali Berisha ka deklaruar se do të dalë sot në protestë kundër rritjes se çmimeve. Përmes një postimi në Facebook ai iu ka kërkuar qytetarëve që të dalin të gjithë në shesh kundër narkoqerverisë, pasi çmimet kaq të larta nuk janë as në Ukrainë e cila preket nga lufta, por as në vende të tjera të rajonit.
“Sot mbarë Shqipëria proteston në Tiranë! Kundër narkoqeverisë për rritjen stratosferike të çmimit të naftës në 2.2 euro në kohë që në Maqedoninë e Veriut fqinje shitet me 1.3 euro, dyfishimin e çmimit te vajit dhe ushqimeve te tjera si në asnjë vend tjetër as vet në Ukrainë! Rroftë protesta”, shkruan ai. Sakaq, pritet që protesta të fillojë në orën 11, ku shumë anëtarë të opozitës kanë deklaruar se do të jenë pjesë e saj.
