Qeveria do të kryej një tjetër “skanim” në skemën e personave që përfitojnë ndihmë ekonomike për të ndërtuar një databasë qëndor dhe për të larguar nga skema abuzuesit.
Qeveria ka gati një skemë të re për përfitimin e ndihmës ekonomike. Përpara impelemtitmi të saj, ministria e Mirëqënies Sociale do të bëjë verifikim të listës ekzistuese të pagesave të paaftësisë për të nxjerrë jashtë saj abuzuesit. Skema e re synon të reduktohen pagesat “cash” tek familjaret per shkak te abuzimeve te konstatuara dhe paratë të shkojnë drejt qëndrave ku kjo kategori përfiton trajtim të specializuar.
Klosi: Po punojmë dhe jemi tashmë në fazën e realizimit të një databese qendror me të gjitha dosjet e këtyre personave për të pasur mundësinë që të rishikojmë dhe nje herë skemën nga shumë abuzime.
Ministria e Mirqënies Sociale ka gati skemën e re të përfitimit të pagesave të paaftësisë. Ndër të tjerash kjo skemë synon reduktimin e pagesave “cash” që mund të shfrytëzohen nga familjarët e personave me aftësi të kufziuara dhe adresimin e tyre drejt qëndrave sociale për përfitimin e shërbimeve të specializuar për këtë kategori.
Klosi: Ne të shikojmë mundësinë e dhënies së pagesës që ne japim normalisht për njerëzit me aftësi të kufizuar si pagesa të drejtpërdrejta për shërbimet që këta fëmijë apo njerëz kanë nevojë. Ne kemi shumë nevojë që njerëzit me aftësi të kufizuar, fëmijet autike të fillojnë të trajtohen që në moshë të vogël dhe këto para të shkojnë karshi këtyre qytetarëve.
Shoqata që ofrojnë shërbime për personat me aftësi të kufizuara dhe vetë grupet e interesit i parashtuan ministrit Klosi një sërë problematikash; si mungesën e financimeve nga shtetit për trajtimin e kësaj kategorie, përjashtimin nga skema e invaliditetit në mënyrë të padrejtë, siç thanë ata, 7200 përfituesve të kempit, si dhe pamundësinë për të siguruar karrige me rrota.
