Një Tabak, si një balonë inceneruese nuk mjafton të kuptosh që realiteti është krejt tjetër. Jorida që luajti me shtatë porta dhe që në “shesh-betejën” për marrjen e selisë nuk u shfaq asnjë sekondë kurrkund tashmë ka mbetur “orgazma” e vetme politike në përpëlitjet e kryetarit të saj. Lulzim Basha që nga dita e djeshme po sponsorizon dukshëm kauzën e Berishës. Ky i fundit faktoi me votë që baza nuk i shkon pas një lidershipi që vetëm humbet e prodhon idiotësi artikuluese. Përplasjet e forta në grupin parlamentar ishin një dëshmi e qartë që skuadra e tij, përveç fustaneve me dhe pa dantella të Joridës, kërkon një përgjegjshmëri politike.
Basha nuk lëviz nga istikami. Ka vulën e bravën, por nuk ka më frymën dhe njerëzit. Salianji, një nga qëndrestarët e tij klasikë në media e terren kur Lulit i digjte bytha zjarr për selinë, foli qartë: mos na merr fytyrën. Dinjiteti politik opozitar në selinë e gazit është shndërruar në një refren qesharak. Lul Basha nuk ka më cipë e moral, argument jo e jo, por as këllqe të shpjegojë: pse nuk çon Partinë në zgjedhje. Ka vetëm fustanet e Joridës dhe të Oriolës që haptazi i mbulojnë fasadën e tij katastrofale para njerëzve. Salianji ishte i qartë si drita e diellit: njerëzit s’kanë më besim te ty! Sepse ti je trajneri i kësaj skuadre që blofon e lëshon në çdo garë! O Lul!
Askush nuk thotë t’i thërrasësh arsyes, sepse ajo të ka shkuar për lesh me kohë, por thërriti me forcë ndërgjegjes së mbetur, nëse të ka mbetur: PD nën diktatin tënd nuk bën më asnjë milimetër hap para. E për këtë nuk ka faj askush. Ti je trajneri. E nëse nuk do të ikësh, jepi oksigjen partisë, jo lakrimogjen bazës. Jepi hapësirë PD të thellojë analizën e saj. Por mbi të gjitha lëre atë karrige e vulë se tashmë kanë vlerë aq sa kanë vlerë getat e Tabakut kur del për vrap. Zonja e inceneratorëve së cilës i ka rrëshqitur tashmë bakshishi nga kuçedra e parave për një qasje më të qetë në komision, ende nuk flet.
Bashkë me të edhe shumë të tjerë. Lulzim! PD të dha të gjitha mundësitë e kësaj bote për tu bërë aty ku ti nuk vete dot kurrë me votë. E përtej kësaj gjen kohë edhe për sarkazëm. Ti ke lidhje me garën, aq sa ka lidhje Xhelali me Big Brotherin. Në atë seli që e mbrojtën shpatullat e të tjerëve dhe jo xhelatina jote verbuese, dhe as arka e kunatit, tashmë ka vdekur çdo gjë. Je ti dhe klounët e mbetur. Edhe ata pak që rrezikonin të të vinin pas marrëzisë tënde menduan qe përpara përdhosjes së dinjitetit tënd, nuk mund të pshurrnin mbi fytyrën e tyre. Lulzim! Në janar nis Big Brother Vip 2. Edhe aty ka garë. Të premtoj që do angazhoj fisin që ato vota që nuk t’i dha kurrë në politikë t’i japë këtu. Ta premtoj!
