Ditën e sotme në orën 17:45 do të luhet derbi mes Manchester United dhe Manchester City, një derbi që prite me shumë interes, teksa do të marrë edhe vëmendjen e të gjithë sportdashësve, ndërsa pritet të jetë i luftuar deri në fund.
Por ajo që ka marrë vëmendjen para se ky derbi të luhet është mungesa e 4 lojtarëve të djajëve në hotelin ku është e grumbulluar e gjithë skuadra e United.
Cristiano Ronaldo, Raphael Varane, Edinson Cavani dhe Luke Shaw nuk ishin në mesin e 21 lojtarëve të pranishëm në hotelin Lowry.
Siç raporton “La Gazzetta dello Sport”, kjo mund të nënkuptojë se ylli portugez do të humbasë derbin e Mançesterit kundër skuadrës së Pep Guardiolës.
Përveç Ronaldos, mungojnë Cavani, Varane dhe Shaw. Asnjë nga të katër nuk ka ndonjë problem të veçantë fizik, uruguaiani po vjen nga një lëndim i vogël, por trajneri Ralf Rangnick e kishte konsideruar atë të përshtatshëm për ndeshjen e Etihad Stadium.
