Deputeti Bylykbashi lexoi dje propozimin e opozitës për reformën në drejtësi në grupin parlamentar të PD-së. Pas kësaj Basha ka pyetur deputetët: “Më thoni dot se kush e kuptoi këtë propozim?” Asnjë prej deputetëve të PD-së nuk e ka ngritur dorën që do të thotë nëse e ka kuptuar propozimin pasi me sa duket askush prej tyre nuk e kishte një ide të qartë për atë që kishte dëgjuar. Dhe vjen reagimi i Bashës: “Hë pra se edhe unë e kam dëgjuar katër herë dhe nuk e kam kuptuar….”
Deputetët e opozitës janë njohur dje me një propozim të ri që lidhet me reformën në drejtësi. Deputeti i kësaj partie, përfaqësues i opozitës në komisionin e refomës në drejtësi, Oerd Bylykbashi, e ka prezantuar atë para deputetëve demokratë në mbledhjen e grupit parlamentar. Pasi Bylykbashi e ka përfunduar leximin e propozimit, Basha ka pyetur deputetët: “Më thoni dot se kush e kuptoi këtë propozim?”
Asnjë prej tyre nuk e ka ngritur dorën që do të thotë se askush prej tyre nuk e kishte një ide të qartë për atë që kishte dëgjuar. Më pas Basha ka thënë: “Hë pra se edhe unë e kam dëgjuar katër herë dhe nuk e kam kuptuar.”
Kjo fjali e Bashës ka shkaktuar ilaritet mes deputetësh, të cilët kanë qeshur për disa minuta dhe kështu është mbyllur diskutimi pa asnjë debat.
E njëjta situatë ka ndodhur një muaj më parë kur një tjetër propozim i opozitës i lexuar nga Bylykbashi ishte krejt i paqartë për ish-kryeministrin Berisha. Në një mbledhje grupi, Berisha i është drejtuar Bylykbashit: “Mor djalë! Më sqaron dot me fjalë të thjeshta çfarë është ky popozim se unë nuk e kuptoj.”
Situata të ngjashme kanë ndodhur edhe në gupin parlamentar të PS. Shumica e deputetëve as që e kanë idenë se çfarë do të thotë neni 88 apo edhe nene të tjera të kësaj reforme. Megjithatë, ata nuk pyesin, sepse janë komod në atë çfarë i ka diktuar partia, votën pro reformës në çdo rast e për çdo lloj drafti.
Kjo tregon qartë se sa seriozë dhe sa të angazhuar janë në të vërtetë deputetët e Kuvendit për një reformë në drejtësi që pretendohet të nxjerrë vendin nga kriza e korrupsionit.
