Kryetari i komisionit të posaqëm të Reformës në Drejtësi:Absurd bojkoti i opozitës
Komisioni i Posaçëm për Reformën në Drejtësi, nisi sot shqyrtimin i paketës ligjore e cila duhet të kalojë domosdoshmërisht me draftin kushtetues. Nga 7 projektligje, Komisioni ka ezauruar diskutimin për Gjykatën Kushtetuese.
Kryetari i Komisionit të reformës në drejtësi, Fatmir Xhafaj, tha për mediat se afati maksimal i përfundimit të të gjtihë procesit ëshët data 15 korrik. “Janë mbi 40 pr/ligje që do të shoqërojnë paketën kushtetuese dhe janë pjesë e procesit riformues. U paraqit kalendar mbi procesin që do kalojmë për shqyrtim. Përmes një kalendari të posaçëm do të shqyrtojmë 7 pr/ligjet kryesore që shoqërojnë paketën kushtetuese, të cilat kanë të bëjnë me detyrimin për ta bërë të zbatueshëm projektin kushtetues”, tha Xhafaj.
Ai foli edhe për mungesën e opozitës në mbledhjene sotme të komisionit të reformës në drejtësi. “Unë jam i keqardhur. Për mua ishte gabim mungesa e saj për sa kohë që ndajmë të njëjtin shqyrtim për nevojën e shqyrtimit të pr/ligjeve me paketën kushtetuese, por është zgjedhje e gabuar ky bojkot i opozitës ndaj komisionit të posaçëm parlamentar”, tha Xhafaj.
