Një 50 vjecar shqiptar është vetëvarur me lidhëset e këpucëve në ambientet e qelisë së tij.
Në momentin kur ai kreu vetëvrasjen gjëndej krejtësisht i vetëm.
Ngjarja ka ndodhur pasditen e së enjtes 16 qershor dhe sipas policisë së burgut, shqiptari kishte zhvilluar gjatë paradites një takim me familjarët e tij.
50 vjecari shqiptar ishte i burgosur me akuzën e grabitjes. Ai punonte për një firmë konfeksionimi kafeje në brendësi të burgut të Rebibbias. Por, vetëm pak ditë më parë kishte vendosur të mos punonte më.
Sipas sindakatës së punonjësve të policisë italiane të burgjeve, i burgosuri shqiptar nuk kishte shfaqur kurrë probleme e ishte një i burgosur model. Po sipas tyre, menjëherë pas vendimit të tij për të mos punuar më, autoritetet e burgut kishin aktivizuar të gjitha procedurat e rastit, duke planifikuar dhe një vizitë psikiatrike për të.
