Kosova mori vendimin për shtrëngimin e masave për shkak të rritjes së ndjeshme të shifrave të COVID-19. Sipas rregullave të vendosura nga Kosova, të gjithë personat që duan të hyjnë në territorin e vendit, duhet të jenë të vaksinuar me të tre dozat ose edhe nëse janë vaksinuar me dy doza, atëherë të bëjnë testin PCR që kushton 30 euro.
Kjo nuk është pritur aspak mirë nga qytetarët, më së shumti ata kuksianë, të cilët kanë dalë në protestë në pikën kufitare duke kërkuar që të mos pengohen për të hyrë në Kosovë.
Dhjetëra qytetarë janë mbledhur dhe kanë tentuar që të bllokojnë rrugën në Morinë.
Në kufi ka dhe një prezencë të shtuar të forcave policore të cilët tentojnë të negociojnë me qytetarët që kanë bllokuar rrugën.
