Omicron ka rritur ndjeshëm numrin e të infektuarve në vendin tonë. Në këtë kuadër, Ambasada e SHBA në Shqipëri ka një thirrje për qytetarët në mes të rritjes së rasteve të reja me COVID në vendin tonë. Ajo bën apel që të mos harrohen maskat, vaksinat dhe dozat përforcuese që janë mbrojtja më e mirë ndaj Omicron.
“Ndërsa rastet e Covid-19 janë në rritje, ju lutemi mos harroni se maskat, vaksinat dhe dozat përforcuese janë mbrojtja më e mirë kundër Omicron. Kur mbani një maskë, ju ndihmoni të mbroni veten dhe të tjerët nga COVID-19”, thuhet në njoftim.
Bashkangjitur ambasada ka vendosur edhe në link që të dërgon në faqen e CDC për të marrë më shumë informacion se si duhet të mbrohemi nga COVID.
