Kryetari i Partisë Demokratike, Lulzim Basha, pas prononcimit që bëri pak më herët ish-kryeministri Sali Berisha ka dhënë një deklaratë për mediat. Basha është shprehur se sot është një ditë bilanci i të djeshmes tragjike, për demokratët e shqiptarët.
“Sot është një ditë bilanci i të djeshmes tragjike për demokratët e shqiptarët dhe ndonëse ndahem këtu prej pothuajse pa pushim nga ngjarja nuk mund të ndaj asgjë tjetër me demokratët dhe të gjithë shqiptarët veçse trishtimit të thellë nga ajo që ka ndodhur dje. Sot nuk është ditë për të qeshur siç bëri ai që ishte pak përpara. Sot nuk është ditë për të vallëzuar nga rrënojat e dhunës të një agresioni që s’ka asgjë të përbashkët me demokratët. Është një ditë për të përsëritur atë që kemi thënë prej kohësh” – u shpreh Berisha.
Sipas Bashës, qëllimi i vetëm i Sali Berishës është ajo që ka thënë se nëse PD nuk e merrte në mbrojtje, PD s’duhet të ekzistonte.
“Qëllimi i vetëm i Sali Berishës është qëllimi i vetëm që ka thënë se nëse PD nuk e merrte në mbrojtje, PD s’duhet të ekzistonte. Ai u përpoq për 4 muaj me radhë të manipulonte qytetarët. Kryesia, qëndruan fort për vlerat tona, që fati personal i një personi i shpallur i pa dëshirueshëm nga partneri ynë strategjik. Ndaj sot nuk kam dhe s’mund të kem buzëqeshje në fytyrë” – tha Basha.
