Ndërkohë që e gjithë bota po zhvillon një “luftë” me pandeminë e COVID-19 , presidenti serb, Aleksandër Vuçiç ka dalë në një video të pazakontë të postuar në profilin e tij instagram, ku thotë se ai e zotëronte ilaçin kundër këtij virusi.
Ndër të tjera, ai shprehet se këtë ilaç e kishte blerë nga SHBA dhe se të vetmet vende që e kishin ishin Danimarka, Lituania dhe Sllovenia.
“Një ilaç i ri kundër koronavirusit ka mbërritur në Serbi! Është blerë në SHBA-ja, kurse në Evropë bashkë me ne e kanë blerë vetëm Danimarka, Lituania dhe Sllovenia. Jetët dhe shëndeti i njerëzve janë të paçmuar!”,- shkroi Vuçiç në Instagram.
