Ditën e sotme pas mbledhjes së qeverisë, ministri i Brendshëm Bledi Çuçi i është përgjigjur pyetjeve të gazetarëve në lidhje me kërkesën e Qazim Rashës, babait te klodian Rashes, duke thënë se hetimet po vijojnë. Çuçi u shpreh se nuk ka dijeni që prokuroria të ketë mohuar një gjë të tillë mirëpo hetimet janë ende në vijim e sipër.
“E para kjo gjë në lidhje me të ngjarje është zbardhur në mënyrën më profesionale dhe në kohë rekord. Nuk kam dijeni që prokuroria të ketë mohuar një gjë të tillë.
Ka pasur hetim për ngjarjen, ku pjesa e parë jemi të gjithë të informuar që është në kanalet e procesit gjyqësor, ku besoj që vendimet përfundimtare pas të gjitha hallkave të sistemit do të përfundojnë me dënimin e policit.
Për pjesë të tjera vazhdojnë hetimet, dhe brenda policisë dhe në momentin që do të kemi një rezultat konkret do të bëhet publike” tha ai.
