Kryeministri i Kosovës Albin Kurti dha një mesazh bashkimi për shqiptarët nga Shkodra, mbrëmjen e sotme.
Kurti A ndoqi ndeshjen e basketbollit mes ekipit të Vllaznisë dhe Prishtinës, ndërsa u shpreh se në këtë fushë, populli është përpara politikanëve.
“Sporti bashkon popullin. Padyshim që është kënaqësi të jem në Shkodër. Padyshim kjo që do shohim mes Vllaznisë së Shkodrës dhe Prishtinës së Sigalit, është më pak se ndeshje sepse jemi bashkë, më shumë se lojë sepse jemi bashkë. Besoj që tek fushë e bashkimit tonë, populli është përpara politikës, ndaj ne politikanët le ta ndjekim vullnetin e qytetarëve tanë,” tha Kurti.
Të pranishëm në pallatin e sportit “Qazim Dervishi” ishin dhe Ministrja e Arsimit, Evis Kushi si dhe kryebashkiakia e Shkodrës, Voltana Ademi. Vizita e kryeministrit Kurti në Shqipëri vjen një ditë përpara se të mbahen zgjedhjet lokale në Kosovë. I pyetur nga gazetarët pikërisht për zgjedhjet, Kurti tha se sot është heshtje dhe nesër do të flasin qytetarët.
