Ministri i Brendshëm reagon pas vendimit të gjykatës për të pezulluar drejtorin e Policisë së Shtetit: Mbështetje personale dhe institucionale bashkë me kryeministrin për Policinë e Shtetit
Drejtori i Policisë së Shtetit dhe dy punonjësit e tjerë të akuzuar nuk kanë shkelur ligjin për asnjë second. Kështu deklaroi sot ministri i Brendshëm Saimir Tahiri, pas vendimit të gjykatës për pezullimin e Haki Çakos nga detyra e drejtorit të policisë së Shtetit. Gjykata vendosi sot me kërkesë të prokurorisë, pezullimine Çakos dhe arrest shtëpie për dy vartës të tij, që të tre të akuzuar për skandalin e përgjimeve.
Ministri i Brndshëm e ka cilësuar pezullimin e Cakos nga detyra si një përpjekje të fundit të atyre që nuk e duan reformën në drejtësi. Një akuzë kjo e drejtpërdrejtë ndaj prokurorit të përgjithshëm Adriatik Llalla.
“Unë jam shumë i vetëdijshëm që drejtori i policisë dhe dy punonjësit nuk kanë shkelur ligjin në asnjë sekond të ushtrimit të punës së tyre, Nuk kanë bërë asnjë përgjim dhe asgjë qoftë dhe largësisht e afërt me përgjimin. Publikisht i jap mbështetjen time institucionale dhe të qeverisë drejtorit dhe dy punonjësit e policisë dhe cdo polici që kryen detyrën me përkushtim dhe devotshmëri e ndershmëri duke besuar shumë fortë se policia shtetit ka një mision të shenjtë për ti shërbyer qytetarëve, Janë të shumtë ata që nuk duan reformën në drejtësi.
Sot u bë në mënyrë të paekuivokë dhe shumë evidente se ata që nuk duan të bëjnë reformën në drejtësi janë gati të bëjnë gjithçka dhe janë gati për të bërë gjithcka
Nuk do të guxonin të shkonin kurrë deri këtu për të penguar reformën në drejtësi. Jemi gati të përballemi me cilindo që nuk e do reformën në drejtësi
E kuptoj që opozita bashkë me frontin e të keqes që sot nxorri kokën dhe nuk e do reformën në drejtësi. Ashtu siç janë të gatshëm të bëjnë gjithka të shtëpojnë Saliun”, tha Tahiri.
