UEFA më në fund e ka dhënë verdiktin përsa i përket Skënderbeut, skuadra që hetohej për fiksime ndeshjesh. Klubi korçar është dënuar për një vit mospjesmarrje në kompeticionet europiane, gjë që është një goditje për futbollin shqiptar në përgjithësi. Më parë ka pasur gjithmonë insinuata për ndeshje të trukuara në vendin tonë, në të gjitha kategoritë, madje në vite është përfolur edhe ekipi ynë kombëtar, ndërsa tani, institucioni që drejton futbollin në Europë na ka bërë të ditur që ky është fakt. Ndërkohë që pritet edhe një tjetër dënim nga FSHF-ja në drejtim të gjashtë herë kampionëve të vendit. Tashmë pritet që në Champions League këtë sezon të jetë Partizani, ndërsa të drejtën për të luajtur në Europa League e fiton Tirana, skuadra më e titulluar në vend, e cila po ristrukturohet pas një sezoni të dështuar.
