Kosova ka raportuar ditën e sotme vetëm 2 raste të reja me Covid-19, një ulje e ndjeshme krahasuar me një ditë më parë kur ishin 11 raste.
Lajm i mirë tjetër është se nuk ka asnjë humbje jete në 24 orët e fundit. Sot janë shëruar 3 qytetarë, ndërsa numri i përgjithshëm i të shëruarve është 105.534. Në total numri i rasteve aktive është 98.
Njoftimi:
17 Korrik 2021: Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon:
Në 24 orët e fundit janë dhënë 12.430 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 310.415 doza të vaksinës.
Deri më sot 90.165 qytetarë janë vaksinuar me dozën e dytë.
Nga 1.944 testime, 2 qytetarë kanë rezultuar pozitiv me virusin COVID-19.
Gjatë 24 orëve të fundit, nuk është shënuar asnjë rast i vdekjes.
Sot janë shëruar 3 qytetarë, derisa numri i përgjithshëm i të shëruarve është 105.534.
Në total numri i rasteve aktive është 98.
