Ofrimi i shërbimeve nga ambasadat dhe konsullatat shqiptare lë për të dëshiruar.
Në takimin e mbajtur sot në Prishtinë mes dy qeverive, asaj të Kosovës dhe Shqipërisë, kryeministri Edi Rama pati kritika për bashkëpunimin mes Kosovës dhe Shqipërisë. Ai kërkoi që të shqyrtohet mundësia për të patur ambasada të përbashkëta. “Ndaj, në mbledhjen e ardhshme të dy qeverive nuk duhet të na vini vetëm me konsullatën e Mynihut, por të shtoni edhe disa të tjera që të tregoni që miqësia juaj është produktive”, pohoi ai për dy ministrat e jashtëm.
Rama e vlerësoi të suksesshme hapjen e konsullatës së përbashkët të dy vendeve në Milano, ndërsa njoftoi se shumë shpejt do të hapet edhe një e ngjashme në Mynih.
