Pjerin Ndreu është zgjedhur ditën e sotme kreu i ri i Shoqatës së Bashkive të Shqipërisë, duke i zënë vendin në këtë mënyrë Kryetares në Detyrë të Bashkisë Shkodër, Voltana Ademi.
Në një reagim në Facebook Pjerin Ndreu, kreu i Bashkisë Lezhë, nuk i ka kursyer sulmet ndaj Ademit, duke i thënë se “Pretendimi qe sipas jush paskeni nje kerkese padi ne Gjykaten Kushtetuese dhe ne nuk jemi te legjitimuar eshte me se paku injorance juridike!”
Ndreu e mbyll statusin në Facebook me tone të larta duke shtuar se Ademi e ka lexuar demokracine se prapthi, sepse ajo thote qe vendimarrja merret me shumicen e anetareve.
Reagimi i plote:
Nje konfirmim dhe nje pergjigje per kolegen Voltana Ademi,
Sot me pjesmarrjen e 23 anetareve, nga 30, te asamblese se pergjithshme te “Shoqates se Bashkive te Shqiperise” u be mbledhja e jashtezakonshme dhe u zgjodhem drejtuesit e ri!
Zonja Ademi,
-Aderimi ne shoqate eshte bere me vendime te keshillave bashkiake. Cdo kryetar Bashkie apo Keshilli Bashkiak eshte anetar, pavaresisht si e ka emrin ne kohe te ndryshme.
-Mosqenia anetar vendoset po me vendim keshilli bashkiak per secilen Bashki dhe jo nga ju si kryetare.
-Sipas statutit qe ka shoqata, neni 12, jo me pak se 1/5 e anetareve kane te drejte te therrasin asmablene e pergjithshme. Ftesa per asamble ju ka ardhe dhe ju, si gjithe te tjereve! Ne Asamble mori pjese Kryetarja e keshillit Bashkiak Shkoder Brisela Kadia.
-Nje shoqate qe sipas jush ju paska vetem ju kryetare, anetare, nenkryetare, pra vetem nje njeri, nuk e kuptoj se cfare demokracie perfaqeson?!
-Pretendimi qe sipas jush paskeni nje kerkese padi ne Gjykaten Kushtetuese dhe ne nuk jemi te legjitimuar eshte me se paku injorance juridike! Secili prej kryetareve te Bashkive ka nje vendim gjykate qe ka konfirmuar legjimitetin e zgjedhjes se tij, pervec jush qe se keni, por ushtroni detyren.
-Se fundi demokracine e keni lexuar se prapthi, sepse ajo thote qe vendimarrja merret me shumicen e anetareve, dhe jo me humorin tend politik, qe drejton gjoja nje shoqate ku na qenke vetem ti e askuah tjeter!
